خودای گه‌وره دڵنه‌وایی و ئارامیی به هه‌موو لایه‌ك
ببه‌خشێت
بروسكه‌ی
سه‌ره‌خۆشیی سه‌رۆك بارزانی به‌بۆنه‌ی كۆچی دوایی نووسه‌ری ناسراوی كورد
دكتۆر محه‌مه‌د ساڵح ئیبراهیمی
به‌ناوی خودای مه‌زن و
دلۆڤان
بنه‌ماڵه‌ی به‌ڕێزی نووسه‌ر و لێكۆڵه‌ری
ناسراوی كورد، دكتۆر محه‌مه‌د ساڵح ئیبراهیمی ناسراو به مامۆستا شه‌پۆل
هه‌واڵی كۆچی دوایی ڕۆشنبیر و نووسه‌ر و
لێكۆڵه‌ر و كه‌سایه‌تیی نیشتیمانپه‌روه‌ری كوردستان، دكتۆر محه‌مه‌د ساڵح
ئیبراهیمی ناسراو به مامۆستا شه‌پۆل خه‌مباری كردم.
مامۆستا شه‌پۆل، وه‌ك نووسه‌ر، وه‌رگێڕ،
لێكۆڵه‌ر، ڕۆژنامه‌نووس، مامۆستای زانكۆ و ڕۆشنبیرێكی به ئه‌زموون و
به‌توانا، ڕۆڵێكی گرینگی له پێشخستنی ئه‌ده‌بی كوردیدا گێڕاوه و
له‌ده‌ستدانیشی خه‌ساره‌تێكی گه‌وره‌یه.
له‌م بۆنه خه‌مناكه‌دا له دڵه‌وه
سه‌ره‌خۆشی له خانه‌واده تێكۆشه‌ره‌كه‌تان ده‌كه‌م و هاوخه‌میی خۆم
ئاراسته‌ی ئێوه و خزم و كه‌سوكار و ئاشنایان و خه‌ڵكی نیشتیمانپه‌روه‌ری
مه‌هاباد و ڕۆشنبیرانی كوردستان ده‌كه‌م.
له خودای گه‌وره داواكارم مامۆستا شه‌پۆل
بباته به‌ر ڕه‌حمه‌تی خۆی و دڵنه‌وایی و ئارامییش به هه‌موو لایه‌ك
ببه‌خشێت.
انا لله وانا الیه راجعون
مسعود بارزانی
٢٦ـی ٥ـی ٢٠١٨